Djali i kryeministrit Edi Rama, Gregor Rama ka vendosur të ndjekë rrugën e artit, ashtu siç ka bërë edhe i ati. Ai ka prezantuar ekspozitën e tij të parë “Fidem” pak ditë më parë dhe duket shumë entuziast për këtë arritje në karrierën e tij si artist!
Mirëpo në këto ditë të rëndësishme, mungon një ndër personat më të veçantë të jetës së tij, i ati Edi Rama, për shkak të angazhimeve të shumta politike. Gjithsesi, Gregu ka shumë besim se ai do të jetë i pranishëm së shpejti.
“Ftesa e parë që kam çuar ka qenë babit. Ishte një ftesë në “WhatsApp”. Nuk e çova me zarf sepse e kisha me padurim që ta coja me zarfe. Ai nuk erdhi se kishte një angazhim politik, por siç e thamë dhe më sipër unë besoj se ai do vije . Nuk jam konsultuar me babin sepse kisha një dëshirë për t’ja bërë surprizë ekspozitën. Jo vetëm atij, por kujtdo, dhe duke thënë që besimi nuk më mungon e mora përsipër këtë risk dhe nuk u konsultova me asnjë njeri.” – rrëfeu Gregor Rama në një intervistë me emisionin “7pa5” në “Vizion Plus”.
