Këngëtarja shqiptare me famë botërore, Rita Ora, ka dhënë një intervistë së fundmi për revistën e famshme “Grazia USA”.
32-vjeçarja ka folur për albumin e saj të ri, “You and I”, teksa është pyetur edhe mbi historinë e familjes.
“Ajo dëshmon të jetë një grua këmbëngulëse dhe e vendosur, falë edhe historisë së saj personale dhe dimensionit të veçantë multikulturor dhe fetar në të cilin u rrit. Ora, tani 32 vjeçe, mbërriti në lagjen Notting Hill të Londrës kur ishte vetëm një vjeçare. Familja e saj vinte nga Kosova, e copëtuar në vitet ’90 nga përleshjet që çuan në luftën në Ballkan. Prindërit e saj bënë një arratisje të guximshme, por një udhëtim nuk është pa vështirësi dhe të panjohura”, shkroi revista Grazia USA.
E pyetur mbi larminë kulturore dhe fetare të familjes ku u rrit, Rita ka treguar se ka qenë me fat që ka pasur dy prindër të mrekullueshëm.
“Prindërit e mi kanë qenë gjithmonë një dhuratë, ndihma ime më e madhe dhe unë isha jashtëzakonisht me fat që u rrita me vëllanë dhe motrën time, Elenën dhe Donin, në atë që unë e konsideroj një guaskë mbrojtëse të dashur. Anëtarët e familjes sime ishin shumë të bashkuar për gjithçka dhe më mësuan vendosmërinë, guximin dhe besnikërinë, të gjitha vlerat themelore dhe të domosdoshme kur dëshiron të arrish majat”.
Rita shtoi se ndjen detyrim që të shërbejë si një shembull ndaj fansave të shumtë që e ndjekin në rrjetet sociale.
“E ndjej për detyrë të ngjall besim te fansat e mi. Gjatë dy viteve të fundit, duke punuar në albumin e ri, kam nisur vërtet një udhëtim dhe jam hapur me audiencën time në një mënyrë që na lidh edhe më afër dhe më ka sjellë shumë lumturi”, përfundoi ajo.
