Një ndër emocionet më të mëdha që përjetuam javët që lam pas, ishte simboli i shqiponjës i futbollistëve Granit Xhaka dhe Xherdan Shaqiri, pas golave historik në ndeshjen kundër Serbisë për “Kupën e Botës”.
Simboli i shqiponjës u cilësua si provokim, ndaj Fifa dënoi dy futbollistët të paguanin nga 10 mijë franga zvicerane secili.
Mirëpo edhe jashtë fushës së blertë, Granit Xhaka përsërit të njëjtin veprim, duke përforcuar faktin se është krenar për rrënjët shqiptare. Ai ndodhet me pushime në ishujt Seychelles së bashku me bashkëshorten e tij, Leonita dhe së bashku kanë krijuar simbolin e shqiponjës.
Në profilet respektive në “Instagram”, ata kanë shpërndarë të njëjtën foto duke e shoqëruar me zemra.
