Grabitja në Rinas: 10 mijë euro shpërblim për atë që jep informacion

Kushdo që ka informacion për tre personat përgjegjës për grabitjen e Rinasit do të përfitojë shumën prej 10 mijë eurosh.

Policia e Shtetit ka shpallur në kërkim vëllezërit Klement Çala, 31 vjeç dhe Eldi Çala, 34 vjeç, si  dhe Talo  Çela, 48 vjeç, të tre banues në Elbasan.

Lexo edhe :

Sa jetojnë macet? Ja çfarë duhet të bëni që të jetojnë më gjatë

15:46 13/03/26

Ed Sheeran kujtoi momentin kur mësoi për diagnozën e kancerit të gruas së tij: Ishte dita më e keqe e jetës sime

15:31 13/03/26

Blutë kanë vënë në dispozicion numrat e telefonit për këdo që ka informacion për autorët e grabitjes në aeroport, ku mbeti i vdekur Admir Murataj, gjatë shkëmbimit të zjarrit me policinë.

“Cilido qytetar që disponon informacion të vlefshëm, të telefonojë në numrat: 069 41 04 111 dhe 069 41 00 615, duke iu garantuar anonimat të plotë e të sigurt”, njofton policia.

Gjykata për Krimet e Rënda Tiranë, ka caktuar në mungesë masën e sigurisë “Arrest në Burg” ndaj tyre, për veprat penale “Vrasja e punonjësit të Policisë”, kryer në bashkëpunim, mbetur në tentativë, “Vjedhja me armë kryer në bashkëpunim”, “Grup i strukturuar kriminal”.

/Ora News