Shtëpia e këngëtares me origjinë nga Kosova, Rita Ora, u bë shënjestër e grabitësve gjatë natës, ndërsa policia dyshon se autorët ishin të njëjtët që vodhën shtëpinë e kolegut të saj në “”X-factor”, Simon Cowell.
Sipas “The Telegraph” në banesën e saj janë vjedhur bizhuteri, para e sende të tjera me vlerë. Hajdutët mendohet të jenë futur në banesë, duke thyer dritaret dhe që më pas kanë lëvizur në disa dhoma. Në të njëjtën zonë janë vjedhur disa banesa të tjera, dhe policia mendon se mund të jetë e njëjta bandë kriminale. Një burim pranë Rita Orës, thotë se ajo është e shokuar nga ky krim.
“Fatmirësisht, Rita nuk ishte në shtëpi në ato momente, por një anëtari i familjes ishte duke fjetur në katin e sipërm të shtëpisë dhe nuk ka dëgjuar asnjë zhurmë. Ata telefonuan policinë, e cila erdhi në orën 5:00 të mëngjesit, pasi zbuluan që paratë, bizhuteritë dhe sendet e tjera ishin vjedhur. Policia i tha Ritës që të ishte e kujdesshme sepse vjedhjet mund të kenë lidhje me njëra-tjetrën në atë zonë”, zbuloi burimi për “The Sun”.
Më herët, hajdutët kishin vjedhur shtëpinë e Simon Cowell, drejtuesit të “X-Factor” në Londër. Ai tha se hajdutët kishin hyrë nga kati i parë dhe më pas kishin lëvizur në dy dhoma të tjera, në banjë.
Por fatmirësisht, roja i shtëpisë, M’Bathonha Mendes, pasi i pikasi, iu vërsul nga pas, ku mundi që të sigurojë disa nga bizhuteritë dhe pasaportën e Simon Cowell’s. Këtë fakt, drejtuesi i “X-Factor”-it e ka përmendur në emisionin live, duke thënë se roja i tij është një hero dhe se për Krishtlindje do të merrte një shpërblim. Deri më tani, thuhet se një nga hajdutët është identifikuar dhe është një person me ngjyrë.
