Të shumta janë herët kur reperi i njohur shqiptar, Gold AG, i ka kënduar mamasë së tij, me të cilën ka treguar se është tepër i lidhur.
“Zemra e nanës” apo “Dashnia e nanës” janë dy prej këngëve që kanë prekur zemrat e të gjithëve me fjalët që reperit i kanë buruar nga shpirti.
Ai nuk ngurron asnjëherë t’ia shprehë të ëmës dashurinë në publik dhe herë pas here në rrjetet e tij sociale i bën dedikime të veçanta.
Së fundmi, Gold AG ka ndarë në profilin e tij në Instagram një foto me mamanë, ku i dedikon fjalën që do t’ju prekin të gjithëve.
Ai tregon sakrificat e shumta që ata të dy kanë kaluar së bashku, mirëpo pavarësisht të gjithave, emri i saj nuk e ka tradhtuar kurrë.
“Tash e dikurë, me këmbë e me durë, kaluam së bashku çdo shkëmb e çdo gurë, prej kur isha i vogël e sot që u bëra burrë, vetëm emri yt NANË nuk më tradhtoi kurrë ❤️”- janë fjalët e reperit që me siguri ju kanë prekur të gjithëve.
Kujtojmë se projekti i fundit i Gold AG u publikua një muaj më parë dhe titullohet “Tetova e Dardana”.
