Gjyshi nga nëna i Alvin Berishës, i cili jeton në Gjermani tregoi përmes një lidhjeje me Skype për “Top Channel” se përse vajza e tij, Valbona ishte larguar drejt Sirisë.
Sipas Ymer Çirës, bashkëshorti i vajzës së tij, Afrimi Berisha, ka qenë problematik dhe gjithmonë ziheshin. Gjërat sipas tij shkuan deri aty sa nisi dhuna në familje, dhe situata ishte e padurueshme për Valbonën:
“Duke krijuar debate mes çiftit ka arritur puna në rrahje, ka arritur puna deri aty sa e ka përzënë nga shtëpia, në një kohë që këta fëmijë kanë qenë shumë të stresuar. Mendoj unë si prind, që duke pasur eksperiencën e disa herëve të përzëna nga shtëpia, se vajza ka qenë edhe e pjekur dhe për të mos i rënë në qafë prindërve, ka ardhur tek ajo pikë që bëri atë pa marrë lejen e askujt, dhe neve na ka ardhur jashtëzakonisht keq”, tregon ai.
Ai shprehu gjithashtu dëshirën e madhe për të takuar nipin e tij, madje tha se Alvini i ka kërkuar të atit ta takojë.
Intervista:
Që nga ky moment ju nuk keni pasur kontakte me vajzën tuaj?
“ Kemi pasur vetëm atëherë në fillim dhe i thashe…..qan….pse e bërë ketë….qan… dhe më tha që jo këtu ku jam, por sikur të gjej një cep tjetër në fund të botës, vetëm ai të mos më gjejë asnjëherë. Unë akoma shkoj me iluzionin që vajzën mund ta kem diku. Dhe ishalla është e kësaj natyre”.
Kur ka qenë hera e fundit që ju e keni parë nipin tuaj?
“Alvinin unë nuk e kam parë, ashtu siç nuk e ka parë as Afrimit prej pesë vitesh. Pra, që kur u ndodh atje në Siri, me nënën e tij, me vajzën time. Mirëpo e keqja është, që ashtu siç nuk kam parë Alvinin, unë nuk kam parë as dy vajzat e tjera, këtu në Itali”.
Do shkoni në Itali për të takuar nipin tuaj?
“ Kjo do të ishte kënaqësia më e madhe për mua. dhe po të realizohet kjo, ju do ta shini se Alvini do të ketë një kënaqësi shumë të madhe në prehrin tim. Se ai edhe kur vinte në atë moshë, me mua flinte. Me asnjë tjetër. Me ka dashur jashtë mase. Alvini i ka thënë Afrimit, se janë videot, a do më çosh tek gjyshi? Gjyshi i Alvinit që ka bërë ashtu jam unë”.
/TCH
