Ka nisur seanca gjyqësore për rastin e vrasjes së Liridona Ademajt, e cila u vra më 29 nëntor 2024 në rrugën “Dalip Alshiqi” në Bërnicë të Prishtinës.
Të pandehurit Naim Murseli (bashkëshorti i viktimës), Granit Plava dhe Kushtrim Kokalla janë sjellë në gjykatë nën masa të rrepta sigurie. Të tre janë deklaruar të pafajshëm ndaj akuzave që rëndojnë mbi ta.
Si prova kryesore janë përmendur raportet e ekspertëve dhe dëshmia e vëllait të Liridonës, Leonard Ademaj.
Në sallën e gjyqit janë të pranishëm familjarë të viktimës dhe përfaqësuesi i tyre ligjor, ndërsa Hajdar Ademaj është larguar nga salla, pasi do të dëshmojë si dëshmitar në këtë proces.
Fillimisht, rasti ishte raportuar si një “grabitje me pasoja vrasjeje”, por dy ditë më pas u arrestua edhe bashkëshorti i viktimës, Naim Murseli, duke tronditur opinionin publik.
