Çështja gjyqësore e Johnny Depp dhe Amber Heard është duke u thelluar akoma më shumë dhe në ‘sipërfaqe’ kanë dalë dëshmi të reja.
Ditën e sotme, në gjyq është publikuar një audio përmes së cilës Amber akuzon Johnny-n se e ka djegur me cigare.
Në audion në fjalë, Amber dëgjohet të thotë:
“Futja cigaret e tua dikujt tjetër… ti do kesh pasoja për veprimet e tua.”
Provat që u praqitën janë vetëm në formën e audios.
Depp dëgjohet teksa i përgjigjet:
“Hesht, budallaqe”.
Gjatë marrjes në pyetje, Depp mohoi që ta kishte djegur ndonjëherë me cigare Heard duke thënë:
“Unë mendoj se ishte një moment jashtëzakonisht i ekzagjeruar nga zonja Heard”.
Ky është pretendimi më i fundit që vjen nga gjyqi i bujshëm.
Avokati i Amberit paraqiti një tjetër video, ku Amber thotë :
“Pasi më sulmove, një javë më vonë ti shfaqesh në derën time.”
Kujtojmë që Depp ka hedhur në gjyq ish gruan pasi pretendon se Heard gënjeu se e ka dhunuar dhe po kërkon 50 milionë dollarë dëmshpërblim për dëmin që i shkaktoi.
Johnny ka thënë gjithashtu para gjykatës se ai ishte abuzuar gjatë marrëdhënies me Amber.
Ai nganjëherë mbyllej në tualet për t’i shpëtuar sulmeve të dhunshme të Amber Heard.
Depp u shpreh se ajo kishte një ‘nevojë për konflikt, një nevojë për dhunë’ që ‘shpërthente nga askund’.
