Gjykata e Apelit në Tiranë ka vendosur lirimin e ish-luftëtarit të UÇK, Dritan Goxhaj. Apeli i Tiranës ka refuzuar ekstradimin e tij në Hagë.
Goxhaj u arrestua në vendin tonë më 31 korrik me urdhër të Gjykatës së Posaçme për Krimet e Luftës.
Ky lajm i mirë vjen edhe falë gjyqtarit të çështjes, Gent Shalës i cili refuzoi ekstradimin e ish-ushtarit të UÇK-së në Hagë dhe urdhëroi lirimin e menjëhershëm të tij.
Kontributi i njihet edhe qytetarëve dhe shoqatës “Krahët e Shqiponjës”, të cilët organizuan protestat pasi e cilësuan arrestin e Goxhajt si të jashtëligjshëm, pasi procesi që po zhvillohet në Hagë nuk ka të bëjë me Shqipërinë, por me Kosovën.
Kujtojmë që ish-anëtari i ushtrisë çlirimtare të Kosovës akuzohet për vepra penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare.
