Ditën e djeshme lajmi se Milaim Zeka, deputeti i Nismës Socialdemokrate në Kosovë u arrestua nga policia vendase, ishte lajmi më i bujshëm në të gjitha mediat shqiptare.
Sot Gjykata Themelore në Prishtinë ka caktuar masën e paraburgimit prej një muaji për deputetin. Gjatë seancës gjyqësore prokurori Rexhep Maqedonci ka paraqitur kërkesën për paraburgim të Zekës në afatin prej 30 ditësh. Gjithashtu Maqedonci ka thënë se deputeti ka shkaktuar frikë dhe ankth tek Shefkiu me deklaratën kërcënuese drejtuar atij.
Milaim Zeka arrestua pasi kishte kërcënuar publikisht prokurorin Afrim Shefkiu, duke thënë se kishte hesape për të larë me të, në rrugë gjyqësore, me kanun dhe personalisht.
Menjëherë më pas Prokuroria Themelore e Prishtinës ka lëshuar një urdhër arresti për deputetin Zeka.
