Partia Socialiste ka paditur në Prokurori deputetin demokrat Endri Hasa, pasi goditi me vezë kryeministrin Edi Rama ditën e sotme gjatë seancës parlamentare.
Deputeti i PD-së, Endri Hasa, u çua në këmbë në momentin kur kryeministri Edi Rama mbaroi fjalimin për ta qëlluar me vezë këtë të fundit.
Pas incidentit, Byroja vendosi ta përjashtonte për 10 ditë deputetin demokrat.
Hasa akuzohet për veprën penale “goditje për shkak të detyrës”, ndërkohë që kryetari i Komisionit të Ligjeve Ulsi Manja, pretendon se Hasa është personi që fshiu serverat në Kryeministri për mbulimin e vrasjeve të katër protestuesve në 21 janar 2011.
