Këngëtarja e njohur shqiptare, Vesa Luma i ka dhënë zë situatës së Çun Lajçit duke e paralelizuar me atë në përgjithësi të artistëve në vendin tonë.
Ajo ka publikuar në InstaStory një foto të aktorit dhe autorit të disa librave teksa vlerëson figurën e lartë të tij, duke thënë se si ka mundësi që shteti nuk ka respekt për artistët e tillë.
“Gjithë jetën ia kushton artit, teatrit, skenës, librave dhe në fund….
Si ka mundësi që shteti nuk ka minimum respekti për artistët e sidomos për një gjeneratë të tillë që kanë dhënë aq shumë për këtë vend. Çun Lajçi”, kanë qenë fjalët e këngëtares.
Ai është një ndër emrat më të mëdhenj të artit në vend, i cili herë pas here i dedikon vargje dhe situatave aktuale.
Më herët, Çun Lajçi i ka dedikuar disa vargje prekëse Marigona Osmanit, 18-vjeçares që u dhunua për vdekje nga bashkëjetuesi dhe një shok i tij. Osmani dyshohet se ishte rrahur nga Dardan Krivaqa në banesën e tyre 24 orë para se të dërgohej në spital.
Postimi i Çun Lajçit:
Nanë, a duhet heshtë
(Marigonë O)
M’lindët nga palcë kurrizi e m’puthët
m’treguet për jetën diçka edhe për turpin
m’dhatë kamë por jo dorën kur u rreëzova
s’me mbrojtët nga dhunë e përdhunë
Je femën thashë nuse e re duro
fjalën ndrydhe si dhimbjen n’zemër
Baba m’kallxoi ç’asht nderi nana ç’asht turpi
por s’treguen ç’asht dashnia
dhash shpirt para nji burri gjysëm burri
që s’diti ç’asht grueja
Nanë
Gjithçka më mësove
por si të mbrohem nga nji burrë i pa burr
kurrë s’më kallxove.
