Një tjetër vajzë do t’i shtohet familjes Kardashian – Jenner. Këtë fundjavë, Khloe Kardashian organizoi një superfestë me të afërm dhe familjarë, për të mirëpritur vogëlushen e saj që pritet të vijë në jetë shumë shpejt. Tematika ishte frymëzuar nga një kafshë mjaft fatsjellëse, elefanti.
Kjo është vajza e tretë që i shtohet familjes këtë vit, pas asaj të Kim dhe Kylie.
Khloe Kardashian dhe basketbollisti Tristan Thompson u kujdesën që të ishte çdo gjë perfekte në baby shower-n, për të cilin nuk mbaronin fotot dhe videot e publikuara në rrjetet sociale.
Ndryshe nga Kylie Jenner që fotot i pamë pasi ajo lindi vajzën e saj, Khloe na ka treguar çdo gjë për festën e organizuar për pritjen e vajzës.
E gjithë familja Kardashian-Jenner ka qenë e pranishme dhe siç shohim në foto kodi veshjes ka qenë ngjyra rozë për tu përshtatur edhe me gjininë e bebit. Khloe edhe pse pothuajse në muajin e fundit dukej në gjendje shumë të mirë dhe shtatzënia i ka dhënë një nur fantastik.
33-vjeçarja është në pritje të fëmijës së saj të parë ndaj edhe përkushtimi ka qenë maksimal. Ajo ndau disa foto të mrekullueshme të barkut të rrumbullakosur me një mesazh: Mezi po pres të të njoh vogëlushe!
