“Kënga Magjike” u vu sot në qendër të mediave, jo vetëm për emocionin që përcolli ditën e djeshme, por edhe për disa foto që Venera Lumani publikoi në “Instagram”.
Në këto foto shihej skenari që Venera duhej të ndiqte gjatë natës së parë të “Këngës Magjike”, ku ajo është pjesë e jurisë. Çdo mendim i dhënë nga juria , madje edhe e qeshura epike e Sardit u tha se ishte parapërgatitur në çdo detaj.
Bombastikë ishin titujt e këtij lajmi duke e cilësuar se këngëtarja po i nxirrte pa dashur “bojën” “Këngës Magjike”.
I menjëhershëm ka qenë reagimi i Venerës për Iconstyle.al, e cila ka thënë se nuk është kollaj t’ia nxjerrësh bojën “Këngës Magjike”.
“Ka shumë bojë Kënga Magjike. S’është kollaj t’ia nxjerrësh, aq më tepër kur bëhet fjalë për mua”, ka reaguar këngëtarja simpatike për Iconstyel.al.
