Atdhe Xharavina dhe Bora Zemani janë përfolur shpesh për një lidhje të mundshme, që nga sezoni i kaluar i emisionit “Për’puthen”.
Së fundmi, në rrjete sociale po qarkullon një video e postuar me humor nga menaxheri i VIP-ave Xhani Demika në ‘story’ të “Instagram”, ku Atdheu shfaqet duke kërcyer e duke shijuar muzikën në lokal.
Megjithatë, ajo çfarë ka tërhequr më shumë vëmëndje është një frazë mbi video, ku Demika shkruan:
“Është i lumtur se këtë javë moti është me ngrica”
Ndërkohë, ish-konkurrenti i “Për’puthen” e ka ripostuar këtë video në llogarinë e tij, me mbishkrimin: “ Sa ftoht është bërë”
Menjëherë dyshimet janë krijuar se biseda e djemve është një nënkuptim për Bora Zemanin, duke iu referuar ehdhe thashethemeve të vazhdueshme që kanë qarkulluar për dyshen.
Rikujtojmë se Atdheu së fundmi, ka folur gjatë një interviste lidhur me raportin e tij me moderatoren dhe faktin që nuk ndiqen më në “Instagram”.
“Aq shumë u tensionua, aq shumë u bë stresuese, sa u prish edhe miqësia. Nuk ka hiç komunikim. E hoqa unë, jo që të qetësoheshin shqiptarët por kështu ndodhi. Atë zgjodha unë. S’e kuptoj pse unë jam përfshirë(në lajme me figura të ndryshme publike). Njerëzit siç është ajo shprehja, shto ujë e shto miell.”
