Pas një hetimi prej disa muajsh të policisë, Henri Çili u arrestua nga policia mbrëmjen e së enjtes së bashku me 6 persona të tjerë.
Shkak për arrestimin e tyre është bërë fakti se ata kanë ndikuar tek gjyqtarët për të liruar nga burgu bandën e Lazaratit.
Çili akuzohet se ka marrë 750 mijë euro dhe prona nga Adil Aliko, për të ndikuar në vendimin e Gjykatës së Lartë, për lirimin e dy djemve të tij, të dënuar për vrasjen e efektivit të RENEA-s, Ibrahim Basha.
Sipas “Balkanweb”, pronari i “UET” ka refuzuar të flasë fillimisht, megjithatë ai është shprehur më pas se nuk ka kryer asnjë shkelje të ligjit dhe se gjithçka është një manipulim.
Çili ka deklaruar se do t’i kundërshtojë me fakte e prova të gjitha akuzat ndaj tij.
Ditën e nesërme, atij do t’i komunikohet masa e sigurisë në Gjykatën e Faktit në Përmet.
