Gjiko është rikthyer në formën e duhur trupore pas humbjes së plot 13 kilogramëve. Këtë gjë e bëri të ditur vetë reperi nëpërmjet një postimi në “InstaStory” duke i befasuar që të gjithë me rezultatin.
“- 13”, ka shkruar Gjiko duke etiketuar edhe trajnerin, i cili e ndihmoi.
Kjo është një dëshmi që tregon se kur e do diçka dhe i vendos vetes një qëllim, do t’a arrish atë me patjetër.
Përsa i përket jetës së tij profesionale, kujtojmë se para pak muajsh u mësua se Nora Istrefi dhe Melinda do të vinin në një bashkëpunim me njëra-tjetrën. Edhe pse duetet mes artistëve lindin zakonisht pas miqësive, ky nuk është rasti i dy këngëtareve. Melinda dhe Nora nuk kanë pasur miqësi më herët bashkë, duke qenë se vijnë dhe nga breza të ndryshëm artistësh, por kjo nuk i ka penguar që të bashkojnë forcat për një projekt muzikor.
Por më i habitshëm është fakti se dy vajzave ju është bashkuar edhe një reper në këngën e re. “Prive” mësoi disa javë më parë se Norës dhe Melindës do t’i bashkohej edhe Gjiko në këtë bashkëpunim.
Këtë gjë e konfirmuan edhe vetë artistët para pak ditësh. Ata publikuan në rrjete sociale foto me njëri-tjetrin të shkëputura nga videoklipi.
Ndërkohë sot Gjiko ka bërë të ditur se kjo këngë do të vijë shumë më shpejt nga ç’e prisnim. Ai ka publikuar një pjesë të shkurtër nga videoklipi dhe ka bërë të ditur se kënga do të publikohet në 7 korrik në mesnatë.
Nora dhe Melinda shfaqen shumë sensuale në klip, ndërkohë që ne presim me padurim të dëgjojmë të plotë këngën “Ay Caramba”.
View this post on Instagram
