Mbrëmjen e sotme moderatorja mjaft e dashur për publikun Elita Rudi ishte e ftuar në emisionin “Në Kurthin e Piter Panit” dhe për të ishte organizuar nga stafi një surprizë tepër e madhe.
Bukuroshja, e cila në muajin shkurt u bë nënë për herë të parë, e dinte që bashkëshorti i saj, reperi Gjiko ndodhej në Itali, mirëpo gjithçka ishte e mirëmenduar dhe e planifikuar.
Ai ka gjetur momentin e përshtatshëm për t’u shfaqur në skenë, ku i ka bërë propozimin e tretë Elitës e cila nuk i mbajti dot lotët.
“A do të jesh gjithë jetën me mua derisa unë të plakem e të bëhem për pampers?”- i tha Gjiko-Elitës dhe e gjitha kjo shkaktoi mjaft ovacione në sallë.
Rikujtojmë se propozimin e parë moderatorja e ka marrë në Verona, poshtë ballkonit të Romeos dhe Zhulietës. Ndërkohë pak ditë përpara dasmës Gjiko i ka bërë një tjetër propozim Elitës dhe përgjigja e saj ka qenë një PO e madhe, siç ishte kjo e sotmja. /revistaclass
