Mosmarrëveshjet mes Bardhit dhe menaxherit të tij Jetmir Agaj duket se nuk kanë mbaruar. Ka qenë Sara Gjordeni, ajo e cila në një postim në “Instagram” ka treguar se menaxheri i ka anuluar koncertin Bardhit.
Po ashtu, njoftimi është bërë edhe nga faqja e festivalit.
‘Njoftim. Menaxhmenti i artistit Bardhi ka anuluar koncertet e kësaj periudhe, mirëpo për korrektesi dhe seriozitet të festivalit ai do të zëvendësohet me një artist tjetër!’
View this post on Instagram
Duket se raporti mes Jetmirit dhe Bardhit këtë herë ka përfunduar njëherë e mirë. Kujtojmë që muajin e shkuar, Jetmiri mori në menaxhim Luizin dhe duket se këtu kanë nisur edhe përplasjet e para. Angazhimet e Luizit dhe përqendrimi i të gjithë skuadrës tek emri i tij, kanë bërë që Bardhi të mbetet pas me data koncertesh si dhe me projekte të reja.
Kjo ka sjellë edhe përplasjet e njëpasnjëshme mes palëve, çfarë edhe ka çuar në mbylljen e bashkëpunimit. Duket se prishja e kontratës mund t’i kushtojë Bardhit jo vetëm disa aktivitete, por edhe para.
