Selena Gomez dhe Justin Bieber u panë sërish së bashku mëngjesin e së dielës.
Bukuroshja 25-vjeçare dhe ish-i dashuri i saj 23-vjeçar, hëngrën mëngjes bashkë në një kafene në Los Angeles, ndërsa vijojnë takimet e çuditshme mes tyre.
Në një imazh të TMZ dyshja janë parë të ulur përballë njëri-tjetrit. Kjo është hera e tretë që dyshja janë parë së bashku. Selena është e lidhur me The Weeknd dhe ky i fundit edhe pse ishte jashtë qytetit, thotë se nuk ka asnjë problem për takimet e tyre.
27-vjeçari “është i vetëdijshëm se Selena dhe Justin janë duke folur” dhe “nuk shqetësohet aspak për këtë gjë”.
Sipas një burimi, Justin dhe Selena, e kanë kuptuar se ka ardhur koha që të lënë pas historinë e tyre dhe të ecin përpara. Ata janë rritur shumë gjatë dy viteve të fundit dhe po sillen me mjaft pjekuri për të vijuar shoqërinë mes tyre.
Burimi: Daily Mail
