Kryeministri grek Alexis Tsipras ka deklaruar gjendjen e jashtëzakonshme në Attica, ku janë mobilizuar “të gjitha forcat emergjente” pas zjarrit masiv që shpërtheu duke lënë të vdekur të paktën 50 persona.
Qeveria e tij u ka kërkuar ndihmë vendeve të tjera evropiane për helikopterë dhe zjarrfikës shtesë për të ndihmuar në përballimin e zjarreve.
Italia, Gjermania, Polonia, Spanja, Qiproja dhe Franca kanë ndihmuar me avionë, automjete dhe zjarrfikës në vendngjarje.
Kjo tragjedi është një nga më të këqijat që i ka ndodhur Greqisë që nga viti 2007, kur dhjetëra njerëz humbën jetën nga zjarret në gadishullin jugor të Peloponezit.
Zjarret janë një problem i përsëritur gjatë muajve të nxehtë dhe të thatë të verës në Attica.
Zyrtarët e Agjencisë së Lajmeve AFP kanë sugjeruar se zjarri mund të jetë vënë nga zjarrvënësit që kërkojnë të plaçkitin shtëpitë e braktisura. Më pas flakët u nxitën nga erërat e forta.
Numri i të vdekurve fatkeqësisht pritet të rritet pasi ka dyshime se disa njerëz janë hedhur në det për të shpëtuar nga flakët dhe janë mbytur. Për momentin nuk ka njoftime nëse ne mesin e viktimave ka shqiptarë megjithëse është një zonë ku jetojnë e punojnë shumë prej tyre.
Burimi: BBC
