Qeni i stërvitur i cili u gjend në rrënojat e vilës “Mira Mare” quhet Bosi, dhe ka pronar nga Durrësi.
Bosi është rritur në vilën “Verde” në qytetin bregdetar, dhe pas apelit që u bë në emisionin “Stop”, iu rikthye të zotit Alban Jaho.
“Sapo dola nga studio e emisionit “Stop”, më ka marrë në telefon pronari i qenit, i lumtur që qeni i tij u gjet”, thotë Iliri i cili gjeti qenin dhe mendonte se ishte i trupave rumune.
Ndërsa personi që është paraqitur për të marrë Bosin, thotë se ishin trembur gjatë tërmetit dhe nuk e dinin se ku kishte shkuar qeni.
“Ashtu si gjithë popullsia, edhe neve ishim të traumatizuar në këtë drejtim. Mirëpo, edhe me Bosin të cilin ne e kemi rritur, kemi 5 vite që punojmë bashkë, u kënaqëm shumë kur morëm vesh lajmin e mirë. Falenderojmë z.Ilir që është kujdesur këto 3 ditë dhe emisionin Stop”.
Bosi iu rikthye pronarëve, por e kishte të vështirë ndarjen nga Ilir Ibrahimi me të cilin kishte qëndruar për disa ditë.
