Bashkëshortja e një polici është gjetur e vrarë me armë zjarri në banesën e saj në Durrës.
Nga hetimi paraprak rezulton se shtetasja me iniciale M.H. “është vetëvrarë”.
47-vjeçarja është gjetur e pajetë mesditën e së hënës (6 gusht), rreth orës 13:20 në lagjen Nr.7.
Në momentin e ngjarjes ka pasur edhe persona të tjerë brenda banesës së punonjësit të Policisë së Durrësit, Sherif Hajdari.
Gruaja është dërguar në kirurgji por pa shenja jete dhe më pas trupi i saj është dërguar në morg.
Policia ndodhet në vendngjarje dhe po punon për zbardhjen e shkaqeve të ngjarjes. Deri më tani dy janë pistat, vetëvrasja dhe vrasja.
Njoftimi i policisë:
Më datë 06.08.2018, rreth orës 13:20, në lagjen Nr.7, Durrës është gjetur e vrarë në banesë me armë zjarri shtetasja M.H. 47 vjeçe.
Nga hetimet paraprake dyshohet se është vetëvrarë. Grupi hetimor po punon për sqarimin e rrethanave të ngjarjes.
