Një studente shqiptare është gjendur e pajetë në konviktin në rrugën “Fabio Severo” në Trieste.
Ngjarja ka ndodhur mbrëmjen e djeshme. Rreth orës 20:40 një telefonatë ka mbërritur në numrin e urgjencës 112.
Mjekët kanë hyrë në dhomën e 21-vjeçares dhe kanë nisur veprimet frenetike për ta shpëtuar. Por pas një ore iu është dashur të deklarojnë vdekjen e shqiptares Floriana Xheka.
21-vjeçe, është gjetur e pajetë në dhomën e saj në Shtëpinë e Studentit E3 në rrugën “Fabio Severo”, në Trieste, Itali..
Sipas disa dëshmitarëve okularë të pranishëm, studentja shqiptare nuk i është përgjigjur thirrjeve në celular ose kujt i kishte trokitur në portë që në orët e para të pasdites.
Nga të dhënat e para duket se ka qenë një kolaps.
Një arrest i mundshëm kardiak ka ndodhur me sa duket kur ajo ka qenë vetëm në dhomë që ndoshta nuk i ka lënë as kohë për të kërkuar ndihmë.
Burimi: Il Piccolo
