Një grua 53 vjeçare është gjetur e pajetë nga familjarët në Memaliaj.
Antoneta Hoxha jetonte me bashkëshortin dhe fëmijët. Kanë qenë pikërisht ata të cilët e kanë gjetur të pajetë, me dëmtime në kokë dhe trup. Paraprakisht dyshohet se e ka vrarë bashkëshorti Skënder Hoxha në rrethana ende të paqarta.
Hodo Hoxha, kryeplaku i fshatit thotë për Report Tv se në orën 04:00 ka shkuar në banesën e çiftit bashkë me fqinjët e tjerë ku ka parë gruan të mbuluar me gjak, pasi ishte goditur me sende të forta në kokë, ndërsa burri u ka thënë që të mos e prekin se e kanë vrarë.
Report Tv mëson se çifti kishte disa ditë që ishte ardhur në fshatin Vagalat nga kryeqyteti, ku banonin. Nuk dihet shkaku i kthimit të tyre në fshat dhe nëse kanë pasur grindje mes çiftit. Policia po heton nëse është burri personi që e ka goditur dhe dhunuar apo dikush tjetër. Mësohet se çifti ka katër fëmijë, tre vajza dhe një djalë.
Gjatë kontrollit në banesën e çiftit Hoxha në fshatin Vagalat të Memaliajt janë gjetur disa fishekë të fshehur në një cep të banesës.
Burimi: Shqiptarja.com
