Demi Lovato ka treguar së fundmi se ish- i fejuari Max Ehrich “e largonte” nga të qenurit vetvetja.Këngëtarja është bërë më e sigurt në vete që kur u nda nga Max.
Kur kujton kohët e vjetra këngëtarja e hitit “Cool For Summer” shprehet se përfundimi i fejesës së tyre dy-mujore me aktorin mund të ketë qenë “gjëja më e mirë” që u ka ndodhur ndonjëherë.
Artistja 29-vjeçe gjithashtu ka dhënë deklaratën e bujshme se pandemia “kishte të bënte me të”, sepse në fillim të izolimit global, “nisi të identifikohj si jo binare”. Sidoqoftë, kjo gjë ndodhi kur situata mes saj dhe Max prej kohësh kishte filluar të kishte probleme.
“Më pas takova dikë dhe nisa menjëherë një lidhje dhe ishte e mrekullueshme, por kjo gjë më bëri të injoroja të gjitha pjesët e vetes sime. Në të kaluarën, prishja e asaj marrëdhënie ishte në të vërtetë ndoshta gjëja më e mirë që më ka ndodhur.”
Demi gjithashtu tregoi se ishte në gjendje të “qëndrojë me këmbët e saj” pas ndarjes, “pa patur nevojë për dikë tjetër që t’i vërtetojë ose ta bëjë të ndihet e pranuar”. Kjo ndodhi kur Demi “në të vërtetë filloi të identifikohej” si jo binare tek miqtë dhe familja e saj, e cila ndodhi në fund të vitit të kaluar. “Ishte përfundimi i të gjitha gjërave që më kishin penguar të identifikohesha si personi që jam sot.”
Këngëtarja u shpreh gjithashtu se ky udhëtim ka të ngjarë të vazhdojë “përgjithmonë”.
“Mund të ketë një moment kur unë të identifikohem si trans. Unë nuk e di se si do duket kjo gjë për mua. Mund të ndodhë që unë të identifikohem si jo binare gjë që nuk përputhet me gjithë eksperiencat e jetës sime.” Në fund, jo tregoi se nuk e di se çfarë do të rezervojë e ardhmja, por “në këtë moment, kjo është mënyra se si identifikohem”, duke shtuar, “Dhe kam një ndjenjë se nuk do të kthehet kurrë siç ka qenë dikur …”
