Supermodelet, krahët, të brendshmet është ajo që pamë të gjithë në sfilatën e “Victoria’s Secret”. Po për momentet që humbët? Ndërkohë që ju ishit të fokusuar te bukuria e tyre, ne ju sjellim veprimet që nuk u vunë re.
Radha e parë parisiene
Ajo që na intereson është edhe fakti se kush u ul në radhën e parë të eventit. Riccardo Tisci bisedoi me ish-editorin e “Vogue” në Francë, Carine Roitfeld dhe dizajnuesin Azzedine Alaïa, ndërsa këngëtari Lenny Kravitz mbështeti mikun dhe bashkëpunëtorin Bruno Mars, që performoi.
Kodi i veshjes franceze
Kur një ftesë thotë “veshje kokteji”, kjo do të thotë diçka shumë ndryshe në paris: xhinse, bluze, pallto e rehatshme dhe çizme pa takë.
Puthjet e Yolanda-s
Si nëna e dy modeleve që pozuan për herë të parë bashkë në shfaqjen e “Victoria’s Secret”, Yolanda u dallua në rreshtin e parë. Ajo u mbulua me puthje gjithë natën, nga dy vajzat e saj, nga Lady Gaga që e përqafoi sapo u ngjit në skenë dhe nga The Weekend.
U ul një engjëll
Natën e kaluar kishte shumë dashuri në skenë nga ish-engjëlli Doutzen Kroes, e ulur në radhën e parë. Kroes mori vëmendje të veçantë nga mikeshat e saj në pasarelë, Adriana Lima dhe Josephine Skriver, ndërsa shoqërohej nga bashkëshorti DJ, Sunnery James.
Ekstravaganca e Gaga-s
Gjëja e parë që dalluam për performancën e Lady Gaga-s ishte mrekullia e vokalit të saj, por këngëtarja njihet edhe për stilin e saj. Ajo ofroi emocione me veshjet e saj të shndritshme dhe kërcimin energjik.
The Weeknd largohu
Kishte një mundësi që ata mos të takoheshin në pasarelë, por producentët i bashkuan ata duke krijuar një moment tensioni, ndërsa Bella Hadid ecte drejt The Weeknd.
Burimi: Vogue
