Në një mbrëmje historike për futbollin shqiptar, ku Shqipëria përballet me Serbinë në ndeshjen kualifikuese për Kupën e Botës, tribuna e “Air Albania” është mbushur me emocione dhe simbolikë të thellë kombëtare.
Mes 22.500 tifozëve që ndjekin nga afër këtë sfidë, bien në sy edhe pasardhësit e komandantëve legjendarë të UÇK-së, Adem dhe Hamëz Jashari. Të rinjtë që mbajnë mbiemrin Jashari janë të pranishëm për të përkrahur kuqezinjtë në këtë përballje të rëndësishme.
Lajmi është bërë publik nga vetë Hamëz Jashari përmes një postimi në Instagram, ku ka ndarë një foto nga stadiumi, shoqëruar me mesazhin e thjeshtë, por domethënës: “Forca Shqipëri”.
