Ditën e djeshme Gilberta zbuloi përse nuk del më me Ilirin në takime. Ajo tha se para disa kohësh kaloi një situatë shumë të sikletshme, ku dikush e akuzoi për marrëdhënie intime dhe Iliri nuk e mbështeti.
“Kam marrë kërcënime nga adresa e Naunit. Thoshte që ishte adresë false dhe kishte nxjerrë një status që kemi pasur një lidhje intime jashtë emisionit dhe këtë e kanë deklaruar Çimi dhe Luljeta. Më kanë qëndruar pranë Çimi dhe Samiu atë natë më ka ardhur kërcënimi dhe thoshte “shihe ç’do të bëj unë tani” dhe jam ndjerë keq se ishte diçka e ulët, prej adoleshentësh, por në moshën tonë të rëndon.
Unë jam mësuese, kam nxënës dhe nuk është normale që të shantazhojë. Nuk mund t’i lejojë tjetrit të flasë për mua, të vërteta apo jo. Prindërit e nxënësve nuk u ndikuan se më njohin, nuk më pëlqejnë këto shantazhe. Iliri nuk më qëndroi pranë dhe në atë moment zgjodha të mos dal më me të. Më acaron, nuk e dua më përballë”, tregoi Gilberta.
Mirëpo Iliri nuk ka qëndruar në heshtje dhe ka zbuluar se vetë Gilberta e ka ngacmuar në rrjete sociale. Ai u shpreh se Gilberta thotë tjetër gjë në emision, ndërsa në rrjete sociale vepron ndryshe, duke i dërguar foto nga plazhi.
Gilberta e pranoi këtë gjë duke thënë se e bëri si kundërpërgjigje për postimin e Ilirit, ku shfaqej përdore me Lindën dhe sytë i kishte nga Gilberta.
Pjesë nga debati
Iliri: Nuk kam asnjë interes tek Gilberta.
Gilberta: Lavdi Zoti, më lër rehat. Më lër të qetë.
Iliri: Gilberta tani flet kështu, por edhe më ka dërguar foto, por edhe më ka dërguar foto në plazh duke thënë “Qesh, qesh, unë qesh me detin.”
Gilberta: Po ta ktheva, se më ngacmove në Instagram. Më pas të bllokova. Ti më përmend gjithmonë. Nuk dua të më përmendësh.
Iliri: Ky është ekstremizmi jot.
