Gigi Hadid tashmë ka hyrë në territorin e supermodeles, por nuk ka rëndësi se sa sukses ka arritur një modele, pozimi për koverin e “Vogue Paris” për herë të parë është një moment historik. Në fakt kjo është një nga gjërat që Hadid duhet të shtojë në listën e saj të arritjeve.
20-vjeçarja është vendosur në koverin e disa revistave, por pozimi për versionin francez është ndër më të rëndësishmet. Për këtë arsye Gigi ka vendosur që të pozojë tërësisht nudo, vetëm më një palë këpucë dhe disa bizhuteri ari.
Ajo postoi foton në llogarinë e saj në “Instagram”, duke bërë shaka me 12.9 milionë ndjekësit e saj për faktin që nuk mbante veshur asgjë.
“Ky është versioni në të cilin unë kam veshur vetëm Chanel N°5”, shkruan modelja duke iu referuar parfumit të famshëm të firmës Chanel.
“Çfarë ëndrre dhe nderi të jem në kopertinën e revistës “Vogue” në Francë”, tha Gigi.
Supermodelja është prej disa muajsh në lidhje më këngëtarin Zayn Malik dhe çifti është shprehur se ata ndihen shumë të lumtur në shoqërinë e njëri-tjetrit.
Burimi: Vogue
