Supermodelja Gigi Hadid tha se ka çdo të drejtë për të mbrojtur veten, pasi u zemërua ndaj një të riu që e “sulmoi” ndërsa po largohej nga shfaqja e modës në Milano. E gjitha ndodhi në momentin kuri riu e kapi atë nga pas dhe u mundua që ta ngrinte.
21-vjeçarja ndodhet në qytetin italian për Javën e Modës në Milano dhe po largohej nga shfaqja e modës së Max Mara-s, ku mori pjesë.
Ndërsa modelja po mundohej që të hapte rrugën përmes turmës dorë për dore me motrën e saj Bella, Vitali Sediuk, një djalë që mendohet se është një person që bën rrenge në internet, e kapi në befasi dhe e ngriti, ndërsa ajo nisi t’i godiste.
Pasi ai e lëshoi, Gigi iu drejtua: “Kush dreqin je ti, je një copë m**…”.
Pas incidentit, Gigi shkroi në “Twitter” për të mbrojtur veprimet e saj duke thënë se ai nuk kishte asnjë të drejtë që ta prekte. “Unë jam një njeri dhe kam çdo të drejtë për të mbrojtur veten. Si guxon ai idiot të mendoj se ka të drejtën për të prekur një person të huaj”, shkroi Gigi.
Pas incidentit, modelja iu drejtua menjëherë rojeve të sigurisë duke u thënë: “Ma gjeni atë djalë”.
*Shfleto galerinë
Burimi: Daily Mail
