Ndërsa pozon me disa prej emrave më të kërkuar të modës, mendonim se Gigi Hadid nuk e ka pasur të vështirë të bënte shoqe.
Sidoqoftë, në intervistën e saj të fundit për “Harper’s Bazaar”, modelja 22-vjeçare ka zbuluar se si popullariteti i saj në rritje dhe suksesi në industrinë e modës ka qenë në dëm të miqësive të saj.
Kur të bëhesh e famshme, ajo pranon “miqtë nxjerrin shumë gjëra interesante. Pra, në njëfarë mënyre është mirë, sepse mëson se është më mirë të kesh pak miq të vërtetë, se sa shumë miq për të cilët nuk je i sigurt”.
Duke folur lidhur me miqtë që nuk kanë kuptuar nevojën e karrierës së saj, modelja zbulon:
“Ka njerëz që kuptojnë se i dua dhe që e dinë se kur të kthehem në qytet do t’i telefonoj, por nganjëherë nuk mund t’i marr çdo ditë, sepse jam në vende të çuditshme. Kam humbur shumë miq, sepse unë kam shumë punë për një periudhë të shkurtër kohore dhe nuk “kapen” më, por nëse nuk “kapem” unë, atëherë unë kam ndryshuar”.
Fatmirësisht motra e saj supermodele, Bella, është një gjithmonë një mbështetje dhe shoqe shumë e mirë.
“Ajo është aq e kuptueshme për kërkesat e kësaj pune dhe është vërtet e mrekullueshme që mund të flas me të për këtë. Për shkak se shpesh ndihem e mbytur nga puna ime dhe nga pritshmëritë që i kam vënë vetes. Është me të vërtetë mirë kur ke njerëz që thonë, ‘Është mirë t’i kushtosh kohë vetes”, shpjegon ajo.
Burimi: Harper’s Bazaar
