Ajo është një nga modelet më të kërkuara, por pavarësisht suksesit në fushën e modës, Gigi Hadid është shprehur se nuk ka pasur gjithmonë një ushtri admiruesish në këmbët e saj.
Në fakt, 21-vjeçarja thotë se ajo e ka dhënë puthjen e saj të parë, rreth pesë vjet më parë.
“Të gjitha ishin më të reja në moshë se unë. Unë isha një prej vajzave të fundit që nuk e kisha dhënë puthjen e parë”.
Kështu është shprehur Gigi në një intervistë për numrin e 25 të revistës “Dazed”, ku u pyet nga dy fanset e saj më të mëdha, vajza e Kate Moss, Lila Grace dhe shoqja e saj më e mirë Stella Jones.
Modelja e Victoria ‘s Secret zbuloi se ajo ishte rritur duke ëndërruar të bëhej një psikologe penale, por ishte e kënaqur që karriera e saj kishte marrë këtë rrugë: “Më pëlqen të qenit një modele, është shumë qejf”.
Gigi ka treguar gjithashtu se i pëlqen të gatuajë, veçanërisht ëmbëlsira.
“Më pëlqejnë tortat dhe kekët dhe unë i rregulloj ato që të duken sa më bukur. Unë gjithmonë gatuaj. Që kur kam qenë e vogël, gjithmonë kam bërë ëmbëlsira çdo Krishtlindje”.
Gigi ka folur edhe për fotot që realizon, ato lakuriq dhe zbathur në dëborë, por kur vjen puna te editimi i fotove, modelja zgjedh që të mbajë qukat dhe nishanet e saj, që zakonisht i fshihen.
Burimi: Daily Mail
