Ata së shpejti i afrohen përvjetorit të tyre të parë të lidhjes.
21-vjeçarja Gigi Hadid pohoi se marrëdhënia e saj me Zayn Malik, 23 vjeç, shënon herën e parë që ata si çift kanë ndarë interesa të përbashkëta, jashtë punës, me dikë që janë lidhur.
Komentet e saj, erdhën në numrin e fundit të revistës ES, që pa dyshim do të prekë ish-in e saj Joe Jonas dhe ish-të dashurën e Zayn, Perrie Edwards.
Kur u pyet se çfarë e tërhoqi atë më shumë te Zayn, Gigi tha: “Unë do të thosha mendja e tij. Për herë të parë, ne jemi të dy në një marrëdhënie ku ne kemi interesa të ngjashme jashtë punës dhe kjo është me të vërtetë e rëndësishme. Ne gatuajmë shumë së bashku, ne bëjmë art bashkë dhe jemi miqtë më të mirë të njëri-tjetrit. Ne të dy ndihemi sikur mund të flasim për çdo gjë dhe mund të mësojnë shumë nga njëri-tjetri”.
Modeli gjithashtu zbuloi se ajo dhe shoqja e saj e ngushtë, Taylor Swift, kanë një dobësi për bukurinë britanike.
Ajo pranoi se: “E pra unë mendoj se ne pëlqejmë sensin britanik të sharmit. Mua gjithashtu më pëlqejnë shumë ushqimet britanike. I dashuroj fasulet e pjekura Heinz në mëngjes dhe Zayn gatuan shumë. Ai e gatuan shkëlqyer mishin. Pula me gjalpë është pjata e tij e preferuar. Mos u shqetësoni, ai është një përfaqësues i denjë për djemtë britanike!”.
Lidhur me fotot nudo, modelja e momentit u shpreh: “Jam shumë përzgjedhëse për të bërë fotografi nudo dhe i bëj vetëm kur duhet. I kam bërë! Dhe më pas ka pasur kohë kur nuk ndihesha komode dhe nuk i kam bërë për një periudhë. Janë gjithmonë njerëzit me të cilët punoj që më kujtojnë se trupi është pjesë i imazhit”.
Burimi: Daily Mail
