“U ndamë sepse luante bixhoz”, kështu u shpreh Vivien Thano disa ditë më parë në një intervistë sa i përket ndarjes nga Getinjo.
Fill pas saj reagoi edhe reperi, i cili tregoi një version tjetër të historisë, duke u shprehur se vesi i tij nuk ishte arsyeja.
Si duket deklaratat e Getit janë besuar më tepër nga publiku, ku këta të fundit kanë sulmuar Vivien. Për këtë arsye në një deklaratë së fundmi reperi i ka kërkuar të gjithëve të mos flasin më për ish-lidhjen e tij dhe as mos të sulmojnë personat e përfshirë.
“Po i lëmë shakatë anash. Ju lutem të gjithëve që më ndiqni dhe më njihni, mos e bëni të madhe punën e ish-lidhjes time edhe të gjitha ngjarjet që kanë ndodhur muajt e fundit.
Jeta vazhdon, ju kisha lutur që ta lini rehat edhe personin që kam qenë me të por edhe mua. Mos e fyeni askënd mos e zmadhoni çdo gjë edhe postimet e mia nëpër rrjete sociale nuk lidhjen me lidhjet e mia dashurie”, u shpreh ai.
