Reperi i njohur Getinjo ka shfrytëzuar Instagramin e tij për të bërë një kërkesë publike për Albin Kurtin. Ai shprehet mjaft i shqetësuar për komentet negative dhe ofenduese në rrjete sociale e sidomos në TikTok. Getinjo i kërkon publikisht kryeministrit të Kosovës të ndërmarrë diçka në lidhje me njerëzit që shahen në aplikacion. Ai madje e konsideron këtë një turp nga populli jonë.
TikTok ishte platforma që “shpërtheu” gjatë periudhës së karantinës dhe tashmë është një nga aplikacionet më të shkarkuara dhe të përdorura. TikTok në veçanti tani po merr vëmendje për komentet dhe gjuhën e papërshtatshme të përdorur. Çdo kush ka të drejtë të komentojë dhe shumica zgjedhin ta bëjnë këtë gjë në mënyrë negative. Seksionet e komenteve të mediave sociale janë bërë sheshi i ri për bullizmin në internet. Si rezultat, shumë platforma dhe persona të famshëm madje po zgjedhin t’i eliminojnë fare komentet për të shmangur këtë problem.
Nuk është sekret fakti që këto komente ndikojnë negativisht te personi që drejtohen. Bullizmi, ulja e vetëbesimit apo stresi janë disa nga anët negative të gjuhës negative që përdoret.
Por çfarë mund të behet në këto raste?
Si fillim njerëzit që marrin komente negative duhet të kuptojnë që nuk është faji i tyre, fakti që dikush zgjedh të bëjë komente të tilla. Edhe nëse e heqim seksionin e komenteve si mundësi, a do i ndalonte kjo njerëzit të bëjnë komente negative jashtë rrjeteve sociale? Mendojmë që kjo çështje kërkon më shumë se kaq dhe se injorimi i një problemi nuk është zgjidhja e duhur. Edukimi dhe arsimimi janë rruga e duhur në kuptimin e limiteve njerëzore dhe ndëgjegjësimin e komentuesve.
