Raporti mes Rozanës dhe Laertit ka ngritur shpesh dyshime te banorët e tjerë, me Gertën që i akuzon ata si një banor i vetëm. Gjatë Prime-t të sotëm ajo debatoi me të dy banorët.
Biseda në Prime:
Gerta: Janë një lojtar i vetëm siç e kanë thënë. Janë po ata që kanë hyrë ditën e parë, që e lëshojnë njëri-tjetrin kur bëhet e vështirë dhe e ngrenë kur duhet. Loja e tyre është shumë e qartë. Rozana tani është bërë më e tërhequr, ndërsa Laerti është banori që jep më shumë mend për atë se çfarë bëjnë banorët e tjerë.
Rozana: Në çfarë jam bërë më e tërhequr?
Gerta: Në raport me Laertin.
Rozana: Unë nuk mund të sulmoj njerëzit kot pa më sulmuar. Nuk jam si ty që u hidhesh njerëzve pa të bërë gjë.
Gerta: Ju jeni një lojtar i vetëm. Qëndroni në shtëpi me të njëjtët banorë. Unë kam përballë dy persona që luajnë si një banorë i vetëm në shtëpi. Kam kuptuar që Laerti nuk luan dot vetëm në shtëpi, nuk bën dot pa Rozanën. Ata të dy kanë nevojë për njëri-tjetrin.
Laerti: Ti ke nevojë për Rozanën.
Rozana: Laerti ka ndenjur më shumë me ty se sa me mua.
Laerti: Për mua miqësia është e tillë, është ajo miqësi që dhe pasi zihesh me tjetrin, e kam thënë në prime-n e parë, dhe kam thënë që miqësia është ajo që përplaset me dallgë dhe triumfon. Nëse nuk ia del, nuk është miqësi.
