Gerta Heta përjetoi ndjesinë më të keqe në botë për një nënë. Moderatorja dhe këngëtarja, e cila u tërhoq nga ekrani për të krijuar një familje, përjetoi një vit më parë kënaqësinë e një shtatzënie të dytë duke pritur dy vajza binjake, por vetëm njëra prej tyre arriti të mbijetonte.
Në një intervistë për “Pasdite në Top Channel”, Heta rrëfeu lëndimin e saj dhe arsyen pse ditëlindjen e parë të së voglës vendosi ta festonte me mjekët dhe infermierët.
“Ka qenë periudha më e zezë e jetës sime. Përtej dhimbjes që kam pasur, planifikova ditëlindjen e vajzës sime ku herë qaja dhe herë qeshja. Iu gëzova jetës dhe në shenjë mirënjohje vendosëm ta festonim ditëlindjen e Mateas me mjekët që më qëndruan pranë. Mu bë qejfi që më erdhën të gjithë, ndërsa ata që nuk mundën dot të ishin prezentë më dërguan urimet e tyre për Matean”, u shpreh Heta e përlotur.
Moderatorja ishte e ftuar në emision bashkë me vazjën e saj të madhe, Lunën.
Gerta me bashkëshortin dhe vajzën, Luna
