Shakira e ka të qartë, ajo dëshiron të largohet nga Barcelona dhe të jetojë në Miami me dy fëmijët e saj. Por ka nevojë për pëlqimin e Gerard Piqué në mënyrë që Milani dhe Sasha të largohen nga Spanja dhe futbollisti i përgjigjet me një jo të fortë.
Ka pasur shumë thashetheme për ndarjen e Shakirës dhe Piques, ku kryesori është tradhtia e futbollistit të Barcelonës. E vetmja e vërtetë është se pritet një betejë e komplikuar ligjore për kujdestarinë e fëmijëve të tyre.
Sipas informacioneve të publikuara nga portali “Informalia”, ylli kolumbian nuk do të ndalet derisa të jetojë në Miami me dy fëmijët e saj dhe do të bëjë gjithçka që është e nevojshme për ta arritur.
Thuhet se Shakira ka në dorë një raport që nuk do ta linte atletin në një pozicion shumë të mirë. Por Pique nuk do t’i lejojë ata të largohen nga vendi, qoftë edhe me pushime.
“Shakira nuk do të ndalet derisa të arrijë të shkojë në Miami dhe të marrë fëmijët me vete. Ky është qëllimi i saj kryesor. Por ajo nuk mundet pa lejen e Piqué dhe ai nuk do ta japë. As për disa ditë pushime”, tha një burim për mediat.
Ai shton se futbollisti nuk ka në plan të jetojë të njejtën situatë si shoku i tij Nicolas Vallejo-Nagera Colate, i cili u martua me Paulina Rubio dhe pati një djalë. Ai nuk do të jetë baba i munguar në jetën e fëmijëve të tij pas divorcit me këngëtaren.
“Pique nuk do ta lërë Shakirën ta ndajë nga fëmijët e tij. Ai nuk dëshiron që t’i ndodhë ajo që i ndodhi Colate, i cili nuk ka zgjidhje tjetër veçse të jetojë në Miami nëse dëshiron të shohë dhe të jetë me djalin e tij”, shton burimi.
