George Michael u mundua që të ndahej nga i dashuri Fadi Fawaz disa herë, gjatë 18 muajve të fundit, sipas një të afërmi. Ylli i “Wham!”, i cili ndërroi jetë në shtëpinë në Oxfordshire, ditën e Krishtlindjeve, në moshën 53-vjeçare, raportohet se i tha Fawaz që të mos kthehej, që të ndaheshin me të mirë.
Gjithsesi, burime nga familja insistojnë që dobësia e Michael, si i “paaftë” për të thënë “Jo”, e ktheu atë në mënyrë të përsëritur te i dashuri.
I afërmi tha për “The Sun”: “Më shumë se një herë George i tha Fadi-t se nuk donte ta shikonte më, por çdo herë e gjenin veten që ktheheshin në kontakt me njëri-tjetrin. George ishte i mirë dhe bujar, po ai më tha shumë herë që dobësia e tij më e madhe ishte se nuk mund t’i thoshte “Jo” asgjëje, seksit, drogave, kështu ishte gatuar. Në shumë mënyra ai ishte një person i pambrojtur, sepse ai gjithmonë thoshte “Po”.
Shkaku u vdekjes së legjendës së muzikës, i cili luftoi me drogat dhe depresionin, thuhet se ishte ataku në zemër. Por pasi rezultate e autopsisë ishin “jo bindëse”, misteri që rrethon momentet e fundit të jetës së tij është thelluar më shumë. Më 2 janar, Fawaz mohoi se kishte publikuar në “Twitter” statusin se ylli ishte vetëvrarë, me justifikimin se profili i tij ishte hakuar.
Burimi: Daily Mail
