Amal Alamuddin është vënë në shënjestër të miqve të bashkëshortit të saj, George Clooney, për humbjen e papritur të peshës.
“Marca” raporton se ka pasur një shqetësim të madh tek njerëzit e afërt të Clooney-t, pas paraqitjes së tij në The Prince’s Trust Awards në Londër.
I njëjti informacion citon një bashkëpunëtor të ngushtë të aktorit, sipas të cilit: “Miqtë e tij janë të shqetësuar se ai nuk po kujdeset mirë për veten. Ai duhet të ndiejë shumë presion për të mbajtur peshën e tij dhe për të vazhduar me Amalin pasi ata bëjnë shumë paraqitje magjepsëse së bashku. Të gjithë thonë se duhet të shtojë më shumë peshë”.
Kjo nuk është hera e parë që Clooney ka parë rënie të dukshme në peshë. Në vitin 2020, ai luftoi me pankreatitin, të cilin ia atribuoi dietës së tij ekstreme ndërsa përgatitej për dramën fantastiko-shkencore “The Midnight Sky”.
Sipas një burimi tjetër të Marca-s, Clooney dhe Alamuddin kujdesen për ushqimin.
“Amal është e njohur për zakonet e saj të pakta të të ngrënit. Ai ha ushqime si vezë të ziera për mëngjes, supë për drekë dhe sallatë me qiqra për darkë”, thotë një person i afërt i çiftit.
