Të tre kanë marrë rrugë të ndryshme në jetë, Gential Zenelajështë një nga drejtuesit e emisionit “Stop” në Tv Klan, Julian është pjesë e “Apartamentit 2xl” , dhe Ermal Mamaqi drejton emisionin “Xing me Ermalin”.
Gent Zenelaj së fundmi ishte i ftuar në emisionin ““Mos i fol shoferit” , ku është treguar nostalgjik edhe për kohën që ishte pjesë e Grupit “ SHBLSH”. “Kam patur fatin e madh që kam pasur partnerë të jashtëzakonshëm. Ky zanat nuk bëhet vetëm, po the jam më i miri je askushi”, ka thënë ai.
I pyetur nga moderatorja Rudina Dembacaj se cila ka qenë një nga situatat më të sikletshme në skenë, Zenelaj ka treguar për herë të parë njërën prej tyre.
“Me grupin “SHBLSH” po punonim një numër me një grua që s’e donte burri dhe ajo do të hidhej nga shkallët dhe pikërisht atë ditë ndodhi një vetvrasje në Elbasan. Altini vjen i alarmuar duke na thënë, numri bie poshtë se ka një impakt të keq dhe jemi detyruar me Julin që për një orë duke pirë cigare të improvizonim numrin më te bukur që mund te kemi patur ndonjëherë në Portokalli.
