Rreth dy ditë më parë, Met Xheladini nga Maqedonia, bëri një deklaratë ekskluzive për emisionin “Pa Gjurmë” në Report Tv kur tha se kishte pasur kontakte me Bleona Matën.
Ai në fakt kërkonte para dhe gënjeshtra i doli shumë shpejt sheshit. Por tashmë i riu ka kërcënuar se nëse nuk do të fshihen deklaratat e tij, do të shkojë në polici.
Edhe pse gënjeu, ai kërcënon se do hedhë në gjyq emisionin. Xheladini ka publikuar edhe foton e tij me armë në duar, raporton Report Tv.
“Brenda 24 orëve këto biseda do të fshihen. S’keni turp, sa probleme më keni sjellë në familje. Dijeni që për këtë akuzë do ju dërgojnë në prokurori e gjykatë dhe do më dëmshpërbleni.Të fshihen brenda 24 orëve dhe të më kërkoni publikisht falje”, shkruan Xheladini në mesazhin e mbërritur në adresë të moderatores së emisionit.
Lidhur me këtë, moderatorja dhe emisioni “Pa gjurmë” ka bërë kallëzim në Polici.
