Aktori Gazmend Paja ishte i ftuar sot në emisionin e mëngjesit “Wake Up” në “Top Channel”, ku foli për jetën dhe planet e tija artistike.
Aktori i humorit konfirmoi se është në një lidhje të re dashurie dhe se ndihet mjaft i lumtur pasi gjërat mes tyre po shkojnë më së miri. Ai ka preferuar që emri i dashurisë së tij të mbetet sekret, por e ka përshkruar më së miri si është ajo si karakter.
“Nuk kemi akoma aq bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ndërsa ajo është ndryshe, që është diçka shumë e mirë. Ndihem mirë, është një vajzë që më fal qetësi, është shumë e sjellshme, e dashur, korrekte, më bën të ndihem shumë mirë:” rrëfeu Gazi për të dashurën.
Eno Popo, Isli Islami dhe Oriela Nabiaj i thanë për të: Simpatike, e bukura e dheut. Është bionde, e gjatë, e buzëqeshur, elegante, pozitive, i qeshin syçkat kur shikon Gazin!
Aktori nga ana tjetër i ka konfirmuar të gjitha këto që thanë prezantuesit e “Wake Up”.
