Martesa e moderatorit shqiptar Mishel Rrena me një mashkull në Angli, u rikthye në qëndër të vëmendjes në emisionin “Rudina”, në televizionin “Klan”.
E ftuar në emision, gazetarja Desara Karaiskaj u shpreh se vlerëson shumë kurajon e djalit që ka zgjedhur ta jetojë jetën siç do, si dhe familjen që e ka përkrahur. Gjithsesi, ajo nuk la pa nënvizuar faktin se nuk mbështet adoptimin e fëmijëve nga këto çifte, pasi do të ishte shkatërruese për jetën e këtyre vogëlushëve.
“Kam shumë miq gay, me lesbiket kam pak probleme, por me gay-t shkoj shumë mirë. Pikëpyetja më e madhe që kam është që nuk kuptoj asnjëherë biseksualët, që u pëlqen edhe kështu, edhe ashtu, më duket që shkon në trajtat e degjenerimit por ky është mendimi im personal. Shoqëria ka një bërthamë, që është familja, natyra e ka bërë që një mashkull dhe një femër ngjizen dhe kanë një fëmijë. Nuk kuptoj dot nëse do të vihesha në kushtet e një fëmije që adoptohet nga një çift gay. Në atë moment mendoj se atij fëmije i është cënuar e drejta themelore e njeriut që të rri me prindër gej dhe jo prindër si të gjithë fëmijët e tjerë. Në një intervistë që kam bërë me një gay, më tha: ‘Ti nuk do t’i zgjidhje dot as prindërit që do të birësonin’. Por gjithsesi ata do të ishin ashtu siç natyra i ka krijuar” – tregoi Dasara Karaiskaj.
