Gazetarja dëshmitare e tragjedisë tronditëse në Himarë një ditë më parë, Esmeralda Keta rrëfen me lot në sy fjalët e nënës së vajzës së vrarë nga mjeti lundrues.
Në një intervistë për “Euronews Albania”, gazetarja rrëfen situatën e përjetuar, nga ku u vra tragjikisht vajza 7 vjeçare nga mjeti lundrues në bregun e Potamit në Himarë.
“Pasi trupi i vajzës u largua, pothuajse çdo aktivitet këtu u pezullua, muzika u fik, restorantet u mbyllën dhe ështe emocionuese, më ka mbetur ne mendje fytyra e nënës së asaj vajzës që në një moment të rëndë që unë shkova për ta ngushëlluar, ajo gjeti kurajon për të më thënë ‘mos lini t’ju marrë përditshmëria, shijojini fëmijët, unë e humba timin’“, rrëfeu gazetarja dëshmitare e ngjarjes.
Kujtojmë se ditën e djeshme, rreth orës 14:00 vajza e mitur u godit për vdekje nga mjeti lundrues i dalë nga kontrolli, i cili drejtohej nga Shefi i Policimit në Komunitet në Elbasan, Arjan Tase. Drejtori i Përgjithshëm i Policisë së Shtetit, Gledis Nano përjashtoi nga radhët e uniformave blu Arjan Tasen, ndërkohë familja Avdia hap dyert e mortit në Tiranë, ku do të kryhet ceremonia e vajzës së tyre të ndjerë duke njoftuar me hidhërim të thellë vdekjen e vajzës së tyre.
View this post on Instagram
