Një gazetare e re për televizionin ‘A1 News’ ka ndaluar Kastriot Tushën për një ‘vox pop’ përpara shfaqjes, me idenë se është një njeri i zakonshëm apo dashamirës i artit që kishte shkuar të shihte premierën.
Duke mos e njohur, fillimisht ajo e pyet për pritshmëritë e tij rreth sopranos që do të interpretonte në shfaqje, për t’u korrigjuar më pas nga tenori Tusha, i cili theksoi se bëhej fjalë për një premierë dhe jo për një soprano në veçanti.
Pasi shpjegoi pritshmëritë e tij rreth shfaqjes, gazetarja e pyet rreth profesionit të tij: “Po ju vetë jeni artist?” Tenori iu përgjigj me shumë qetësi dhe një buzëqeshje të lehtë në fytyrë:
“Unë jam Kastriot Tusha, profesor në “Akademinë e Arteve”, tenor, me një karrierë artistike edhe këtu në “Teatrin e Operas.” Videoja është publikuar fillimisht nga aktori i “Portokalli” Rezart Veleshnja, për t’u shpërndarë më pas masivisht në portale dhe rrjete sociale.
