Në vitin 1998, Shtëpia e Bardhë u përfshi në një skandal seksual pasi u zbulua se presidenti amerikan që ishte në detyrë në ato vite, Bill Clinton kishte një marrëdhënie jashtëmartesore me ish-praktikanten Monica Lewinsky.
Vite më pas, i ngacmuar nga mediat, Bill Clinton pranoi se nuk i ka kërkuar asnjëherë falje personalisht Monicës për mënyrën sesi ajo u trajtua për shkak të tij, përveç faljes publike.
Monica Lewinsku ishte e ftuar në një intervistë në Jerusalem dhe menjëherë sapo u ul në karrige, pyetja e parë që iu drejtua ishte për ish-presidentin amerikan.
“Në një intervistë së fundmi, ish-presidenti Clinton u shpreh se nuk të ka kërkuar kurrë falje personalisht. E pret ti të të kërkojë falje?” – e pyeti gazetarja.
Sigurisht që Monica, një grua me një karrierë si aktiviste dhe autore e arrirë, kishte gjëra të tjera më të rëndësishme për të diskutuar sesa Bill Cliton.
“Më falni. Nuk mund ta bëj dot këtë” – tha Monica dhe u ngrit në këmbë dhe braktisi intervistën, duke i lënë të gjithë të pranishmit me gojë hapur. (Ndiqni videon më poshtë)
Në një postim në “Twitter”, Monica tregoi se më herët kishte rënë dakort me gazetaren se nuk duhet ta bënte këtë pyetje, por ajo nuk iu përmbajt marrëveshjes, ndaj vendosi të largohej.
“Unë u largova sepse është shumë e rëndësishme për gratë që të mbrojnë veten dhe të mos lejojnë të tjerët t’i kontrollojnë ashtu siç duan. Më vjen keq për audiencën që priti, por nuk e kisha planifikuar në këtë mënyrë.” – shkruante ndër të tjera Monica.
