Aktori i njohur i humorit, Gaz Paja vetëm pak kohë më parë foli publikisht për të dashurën e tij. Kur ai ishte i ftuar në emisionin “Wake Up”, moderatorja Oriela Nebiaj e cilësoi të dashurën e aktorit si e “bukura e dheut” dhe gjatë bisedës, u përfol se ajo është bionde, seksi, elegante dhe e buzëqeshur.
Së fundmi çifti simpatik është fotografuar në një ndër club-et e kryeqytetit ndërkohë që po kërcenin nën tingujt e muzikës. Në fotot e publikuara nga “Panorama Plus” aktori dhe e dashura e tij shfaqen duke shkëmbyer puthje dhe përqafohen në publik.
Me sa duket lidhja e tyre është konsoliduar dhe ata tashmë nuk kanë problem të shfaqen hapur në publik.
“Nuk kemi akoma aq bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ajo është ndryshe, që është diçka shumë e mirë…Ndihem mirë, është një vajzë që më fal qetësi, është shumë e sjellshme, e dashur, korrekte, më bën të ndihem shumë mirë”, u shpreh Gazi në intervistën e dhënë pak kohë më parë në emisionin “Wake Up”.
